Question 1

現金回贈卡同里數卡，邊種好？

Accepted Answer

睇你使唔使飛。經常搭飛機、想換商務／頭等機票，里數卡（如渣打國泰、Citi PremierMiles、AE Explorer）較抵，因為里數換機票嘅價值可以遠高於現金回贈。唔常飛、想簡單直接慳錢，就揀現金回贈卡（如安信 EarnMORE 全簽 2%、恒生 MMPOWER 網購 5%）。碌卡豬可以按「里數／現金回贈」篩選同一次過比較。

Question 2

香港邊張信用卡現金回贈最高？

Accepted Answer

冇單一「最高」——要睇簽賬類別。網購有富邦 iN（8%）、AEON WAKUWAKU／信銀 Motion（6%）、恒生 MMPOWER（5%）；無類別限制有安信 EarnMORE 全簽 2%、工銀亞洲 1.5%。高回贈率多數設每月上限同簽賬要求，實際回贈以官方公布為準。用碌卡豬揀類別即刻比到。

Question 3

邊啲信用卡可以免費入機場貴賓室？

Accepted Answer

部分中高階卡有機場貴賓室禮遇，例如渣打國泰藍卡／黑卡（國泰貴賓室）、滙豐 Prestige／卓越理財、恒生優越理財 World Mastercard、中銀 Cheers 等，通常有每年次數或需達標簽賬。碌卡豬可以用「🛋️ 可入貴賓室」篩選，每張卡詳情有列明要求。

Question 4

新手應該揀邊張信用卡？

Accepted Answer

新手可以由「無類別限制、免年費、簡單」嘅卡入手，例如全簽劃一回贈卡；如果有心儲里數，可留意有高迎新嘅里數卡（如渣打國泰新客迎新）。留意迎新簽賬要求同冷河期。碌卡豬每張卡列明年費、迎新、回贈同上限，方便比較。

Question 5

信用卡卡類別（Visa／Mastercard／銀聯／美國運通）有咩分別？

Accepted Answer

主要影響接受商戶同某啲限時推廣資格。例如中銀「狂賞派」同 Apple Store 官方推廣只限中銀 Visa 卡（Chill 屬 Mastercard 用唔到）。碌卡豬可以按卡類別篩選，方便對應唔同推廣。

Question 6

碌卡豬啲信用卡資料準唔準、幾時更新？

Accepted Answer

資料經里先生／MoneyHero／各銀行官網核對並持續更新，但銀行優惠成日變，所有回贈、迎新、上限及限時優惠一切以各發卡機構最新公布為準。碌卡豬為獨立非官方資訊平台，與各銀行及發卡機構均無關係，頁面部分連結為推薦連結。